مركز بهجت البيطار ودورية الشرطة قدمت عمل انساني تستحق عليه التكريم
( امبارح صارت قصة بأحد المراكز الامتحانية ودورية شرطة مركز بهجت البيطار قدمت عمل انساني تستحق عليه التكريم!)
✅ في مراكز امتحانية ( متشابهة بالاسماء) عنا بالميدان مركز بهجت البيطار والمهاجرين مركز اسمه ابن البيطار
✅ في طالب مستلم بطاقته مركز ( ابن البيطار ) بالمهاجرين يلي لازم يقدم فيه امتحان ولكن هو مخربط وفكره تبع الميدان لانه اسمه ( بهجت البيطار)
✅ الطالب المسكين اجى على بكير على بهجت البيطار بالميدان وجهز حاله وعلى أساس كل الامور تمام دخل على المركز وبلش تشييك الاماكن طلع ماله اسم وكان بقيان للامتحان ليبلش 7 دقائق
✅ المسؤول عن المركز عم يسأل الطالب شلون مالك اسم عنا هات بطاقتك قرأها طلع مكتوب عليها ابن البيطار عرفوا الطالب انو مخربط بعنوان المركز وهون الوقت تبع الامتحان دقائق وبيبلش
✅ المسؤول عن دورية الشرطة ببهجت البيطار الله يكتر خيره صوره هويته وبطاقته الامتحانية للطالب وحكى على اللاسلكي مع مع الدورية يلي عند مركز ابن البيطار بالمهاجرين قله القصة واحد 2 3 عندي طالب متأخر رح أمنلك ياه مع شرطي دراج باسرع وقت بس خبر رئيس المركز وبإذن الله تعالى بيوصل على الوقت
✅ نادوا على شرطي مرور دراج يمكن اسمه ( ابو خالد ) ركب الطالب وراه وفتح زمور الضابطة وبفرد سحبة من الميدان على المهاجرين وصلوا متأخرين عن الامتحان 9 دقائق بس الحمدلله رئيس المركز كان مبلغ بالقصة من قبل رئيس الدورية ووافق يدخله طلع ابن حلال كتر خيره والطالب قدم الامتحان بفضل الله تعالى
( مابنعرف أسماء العناصر ولكن بدنا نوجه شكر لدورية شرطة المرور المسؤولة عن مركز بهجت البيطار بالميدان الله يكتر خيركم ويجعلها بميزان حسناتكم )
